Муоинаи тиббии шаҳрвандони хориҷӣ дар Россия: раванд ва шаҳодатномаи тиббӣ

Муоинаи тиббӣ барои шаҳрвандони хориҷие, ки дар Россия ба муддати тӯлонӣ будубош кардан мехоҳанд, ҳатмист. Ин муоина барои гирифтани:

• иҷозати иқомати муваққатӣ (РВП),
• иҷозати иқомати доимӣ (ВНЖ),
• патенти кор,
• иҷозаи кор,
• иҷозаи таҳсил (дар баъзе ҳолатҳо),

зарур мебошад.

Ø  Кӣ бояд муоинаи тиббиро гузарад?

Шаҳрвандони хориҷӣ ва шахсони бешаҳрванд, ки дар ҳудуди Россия зиёда аз 90 рӯз қарор доранд, бояд муоинаи тиббӣ гузаранд, агар онҳо:

• патент барои анҷоми додани фаъолияти меҳнатӣ мегиранд;
• барои гирифтани иҷозати иқомати муваққатӣ (РВП) муроҷиат мекунанд;
• мехоҳанд иҷозати иқомати доимӣ (ВНЖ) гиранд;
• барои таҳсил бо иҷозаи махсус омадаанд;
• мехоҳанд муҳлати будубоши худро дар Россия тамдид намоянд.

Ø  Муоинаи тиббиро дар куҷо бояд гузашт?

Муоина танҳо дар муассисаҳои давлатии тиббӣ ё клиникаҳои хусусие, ки аз ҷониби Вазорати тандурустии Россия иҷозат (аккредитатсия) гирифтаанд, бояд гузаронида шавад.

Ø  Чӣ гуна муоинаҳо гузаронида мешаванд?

Муоинаи тиббӣ фарогир аст:

• Озмоиш барои сил (туберкулёз) – флюорография ё рентгени қафаси сина;
• Озмоиши ВНМО/ВИЧ (анализи хун);
• Бемориҳои бо роҳи алоқаи ҷинсӣ гузаранда (масалан, сифилис);
• Вобастагӣ надоштан ба маводи мухаддир ё машрубот;

Ҳамчунин мулоқот бо табибони зерин мегузарад:

• терапевт,
• нарколог,
• психиатр,
• дерматовенеролог.                                                                                                                                                                                                                                                                                                                                                               Шаҳодатномаи тиббӣ (маълумотнома)

  Пас аз анҷоми муоина, ба шаҳрванд маълумотномаи тиббӣ (шаҳодатнома) дода мешавад, ки он тасдиқ мекунад:

  • набудани бемориҳои сироятии хатарнок;
  • набудани ВНМО/ВИЧ;
  • набудани вобастагӣ аз маводи мухаддир.

  Шакли маълумотнома мувофиқи фармоиши Вазорати тандурустии Федератсияи Россия таҳия шудааст ва дорои маълумоти зерин аст:

  • Ном, насаб, санаи таваллуд;
  • Натиҷаи озмоишҳо;
  • Хулосаи табибон;
  • Санаи додан ва муҳлати эътибор.

  Ø  Агар беморӣ ошкор шавад ё шахс муоина нагузарад

  Дар ҳолате, ки дар шахс бемориҳои хавфнок, монанди ВНМО/ВИЧ ё туберкулёзи фаъол муайян карда шаванд, ин метавонад сабаби рад кардани додани ҳуҷҷат ё ҳатто депортатсия (баргардонидан ба кишвараш) гардад.