Ки бояд аз бақайдгирии дактилоскопӣ (супоридани изи ангушт) ва аксбардорӣ гузарад?

Бақайдгирии дактилоскопӣ ва аксбардории шаҳрвандони хориҷӣ дар Россия ҷараёнҳои ҳатмӣ мебошанд, ки барои назорат ва муайян кардани шахсоне, ки дар қаламрави кишвар қарор доранд, равона шудаанд.

Шаҳрвандоне, ки бояд аз бақайдгирии дактилоскопӣ (супоридани изи ангушт)  ва аксбардорӣ  гузаранд:

Ø  Ҳамаи шаҳрвандони хориҷие, ки ба Россия барои будубоши зиёда аз 90 рӯз ворид мешаванд, новобаста аз мақсади сафарашон.

Ø   Муҳоҷирони меҳнатие, ки дар Россия кор мекунанд.

Ø  Шахсоне, ки барои патент, Иҷозати муваққатии истиқомат (РВП), Иҷозати истиқомати доимӣ (ВНЖ) ё шаҳрвандии Россия муроҷиат мекунанд.

Ø  Шаҳрвандони хориҷие, ки ба Россия бо визаи дарозмуддат ворид мешаванд.

Ø  Донишҷӯёни хориҷӣ, ки дар муассисаҳои таълимии Россия таҳсил мекунанд (дар баъзе мавридҳо).