Ҳолати 12. – Шаҳрванди хориҷӣ ё шахси бешаҳрванд, ки мақоми гуреза ё шахси паноҳҷӯянда доранд, мехоҳад бо шаҳрванди хориҷӣ ақди никоҳ бандад.

12.1. Дар аввал пурсед, ки шахс шаҳрванди кадом кишвари хориҷӣ мебошад?

           i.          Ба шаҳрванди хориҷӣ ё шахси бешаҳрванде, ки мақоми гуреза ё шахси паноҳҷӯянда доранд, мехоҳад бо шаҳрванди хориҷӣ ақди никоҳ бандад, тибқи Кодекси оилаи Ҷумҳурии Тоҷикистон аз 13 ноябри соли 1998[3] чунин ҳуқуқро доранд, аз ин рӯ, ба онҳо машварат диҳед, ки онҳо метавонанд ба Ташкилоти ҷамъиятии «Инсон ва Адолат» муроҷиат карда, машварати лозимӣ дар он ҷой гиранд.  Ташкилоти ҷамъиятии «Инсон ва Адолат», дар шаҳри Душанбе, кӯчаи Деҳлавӣ, 10 воқеъ мебошад. Телефон барои тамос: (+992) 919315816. Ба шаҳрвандони хориҷӣ ё шахсони бешаҳрванде, ки дар шаҳри Ваҳдат муваққатан истиқомат мекунанд, машварат диҳед, ки ба филиали Ташкилоти ҷамъиятии «Инсон ва Адолат», ки воқеъ дар шаҳри Ваҳдат, кӯчаи 20-солагии Истиқлолият, 35, ошёнаи 2, даромадгоҳ аз тарафи чап мебошад (дар ошёнаи 1-ум Бонки «Ҳумо ҷойгир мебошад»), муроҷиат намоянд. Телефонҳо барои тамос: (+992) 784015555, (+993) 904444486.

         ii.          Инчунин, баъди муайян кардани шаҳрвандии шахси никоҳшаванда, машварат диҳед, ки ӯ метавонанд ба Сафоратхонаҳои кишвари худ дар Ҷумҳурии Тоҷикистон муроҷиат намоянд. Масалан, агар тарафи дигари ақди никоҳ шаҳрванди ИМА бошад, пас онҳо метавонанд ба Сафоратхонаи ИМА дар Тоҷикистон муроҷиат намоянд. Агар нафари дигари ақди никоҳ шаҳрванди Полша бошад, пас онҳо метавонанд ба Сафоратхонаи Полша дар ш. Тошканти Ҷумҳурии Ўзбекистон қарордошта, муроҷиат намоянд, чунки Сафоратхонаи наздиктарини Полша дар он ҷой қарор дорад. Дар қаламрави Ҷумҳурии Тоҷикистон Сафоратхонаи Полша мавҷуд нест.

     iii.            Инчунин, агар никоҳшавандаҳо шаҳрвандони Ҷумҳурии Исломии Афѓонистон бошанд, пас машварат диҳед, ки онҳо метавонанд ба Сафоратхонаи Ҷумҳурии Исломии Афѓонистон дар Ҷумҳурии Тоҷикистон, воқеъ дар ш. Душанбе, к. Маяковский, 2 (дар назди клиникаи Мансуров). Телефонҳо барои тамос: (+99237) 2369902, 2369910 ё Консулхонаи генералии Ҷумҳурии Исломии Афѓонистон дар ш. Хоруѓ, к. Каримшоев, 17. Телефон барои тамос: (+99235) 2202492, муроҷиат намоянд.

     iv.            Агар яке аз никоҳшавандаҳо ё ҳардуи онҳо шахсони бешаҳрванд бошанд, пас машварат диҳед, ки онҳо метавонанд ба шуъбаҳои САҲШ-и ноҳия (шаҳр)-и ҷойи зисти муваққатии худ низ муроҷиат намоянд.