Ҳолати 9. – Шаҳрванди хориҷӣ ё шахси бешаҳрванд, ки мақоми гуреза ё шахси паноҳҷӯянда доранд ё аъзои оилаи онҳо, мавриди депортатсия қарор гирифтанд.

9.1. Дар аввал пурсед, ки барои чӣ нисбати онҳо қарори депортатсия қабул гардид?

i.                 Агар шаҳрванди хориҷӣ ё шахси бешаҳрванде, ки мақоми гуреза ё шахси паноҳҷӯянда доранд ё аъзоёни оилаи онҳо мавриди депортатсияи ѓайриқонунӣ қарор дода шудаанд, ба онҳо машварат диҳед, ки онҳо метавонанд ба Ташкилоти ҷамъиятии «Инсон ва Адолат» барои хизматрасонии ҳуқуқӣ муроҷиат намуда, машварати лозимӣ дар он ҷой гиранд.  Ташкилоти ҷамъиятии «Инсон ва Адолат», дар шаҳри Душанбе, кӯчаи Деҳлавӣ, 10 воқеъ мебошад. Телефон барои тамос: (+992) 919315816. Ба шаҳрвандони хориҷӣ ё шахсони бешаҳрванде, ки дар шаҳри Ваҳдат муваққатан истиқомат мекунанд, машварат диҳед, ки ба филиали Ташкилоти ҷамъиятии «Инсон ва Адолат», ки воқеъ дар шаҳри Ваҳдат, кӯчаи 20-солагии Истиқлолият, 35, ошёнаи 2, даромадгоҳ аз тарафи чап мебошад (дар ошёнаи 1-ум Бонки «Ҳумо ҷойгир мебошад»), муроҷиат намоянд. Телефонҳо барои тамос: (+992) 784015555, (+993) 904444486. Бояд қайд кард, ки ташкилоти мазкур дорои буҷети махсус барои кироя намудани адвокатҳои ройгон буда, ба таври фаврӣ ба мизоҷони ниёзманд кумаки ҳуқуқӣ расонда метавонад!

ii.               Инчунин, ба шаҳрвандони хориҷӣ ё шахсони бешаҳрванде, ки мақоми гуреза ё шахси паноҳҷӯянда доранд ё аъзоёни оилаи онҳо, ки мавриди депортатсия қарор дода шудаанд, ба онҳо машварат диҳед, ки онҳо метавонанд ба Раёсати комиссари олии оид ба гурезаҳои СММ, воқеъ дар шаҳри Душанбе, кӯчаи С. Айнӣ, 39, Тел.: +992 44 600 55 96/ 97; Факс: +992 37 251 00 39 низ муроҷиат намоянд.

iii.             Инчунин, ба шаҳрвандони хориҷӣ ё шахсони бешаҳрванде, ки мақоми гуреза ё шахси паноҳҷӯянда доранд ё аъзоёни оилаи онҳо, ки мавриди депортатсия қарор дода шудаанд, ба онҳо машварат диҳед, ки онҳо метавонанд ба мақомоти прокуратура шикоят намоянд. Суроѓаи Прокуратураи генералии Ҷумҳурии Тоҷикистон: 734043, ш. Душанбе, кӯчаи А.Сино, 126, Телефон: (+992 37) 250-43-57.