Ҳолати 4. – Шаҳрванди хориҷӣ ё шахси бешаҳрванд, ки мақоми гуреза ё шахси паноҳҷӯянда доранд, мехоҳанд дар қаламрави Ҷумҳурии Тоҷикистон ҷойи зистро иваз намоянд.

4.1. Дар аввал пурсед, ки онҳо дар айни ҳол дар кадом минтақаи аҳолинишин истиқомати муваққатӣ доранд?

       i.          Ба шаҳрванди хориҷӣ ё шахси бешаҳрванде, ки мақоми гуреза ё шахси паноҳҷӯянда доранд ва нияти ивази ҷойи зист доранд, тибқи Қарори Ҳукумати Ҷумҳурии Тоҷикистон аз 26 июли соли 2000, таҳти №325 «Дар бораи номгӯи маҳалҳои аҳолинишини Ҷумҳурии Тоҷикистон, ки дар он ҷойҳо муваққатан зистани шаҳрвандони паноҳҷӯянда ва гурезагон мумкин нест», машварат диҳед, ки дар аввал, якҷоя бо соҳиби хона барои ба қайд гирифтани шартномаи иҷораи манзил ба Нозироти андози ҷойи зисти муваққатӣ муроҷиат намоянд, баъдан, барои гирифтани маълумотномаи ҷойи зист ба шуъбаи бақайдгирии шаҳрвандони хориҷии Раёсати хоҷагии манзиливу коммуналӣ ва сохтумони ноҳия (шаҳр)-и ҷойи зисти муваққатӣ муроҷиат намояд ва охирин, барои гирифтани варақаи бақайдгирӣ онҳо метавонанд ё ба шуъбаи шиносномадиҳӣ ва бақайдгирии ШВКД-ҳои маҳалҳои аҳолинишини Ҷумҳурии Тоҷикистон, ки дар он ҷойҳо муваққатан зистани шахсони паноҳҷӯянда ва гурезаҳо мумкин аст, муроҷиат намояд ё ба шуъбаи шаҳрвандӣ ва кор бо гурезаҳои Хадамоти шиносномадиҳӣ ва бақайдгирии ВКД ҶТ муроҷиат намояд. 

     ii.          Агар шаҳрванди хориҷӣ ё шахси бешаҳрванд, ки мақоми гуреза ё шахси паноҳҷӯянда доранд ва нияти ҷойи зисти худро иваз намудан доранд, пас ба онҳо машварат диҳед, ки тибқи Қонуни Ҷумҳурии Тоҷикистон «Дар бораи гурезаҳо» аз 10 майи соли 2002, таҳти №50 барои шахсони паноҳҷӯянда - «дар мӯҳлати на дертар аз 72 соат пас аз гирифтани роҳхат барои истиқомат ба маҳалли сукунати муваққатӣ равон шаванд ва пас аз расидан дар мӯҳлати на дертар аз се рӯзи корӣ дар мақомоти маҳаллии корҳои дохилӣ бо пешниҳоди ҳуҷчатҳои шахсӣ аз қайд гузаранд» (қисми 2 моддаи 10) ва барои гурезаҳо - «ҳангоми сокиншавии мустақилона дар мӯҳлати на дертар аз се рӯзи корӣ пас аз гирифтани шаҳодатнома дар мақомоти корҳои дохилии маҳалли истиқомат аз қайд гузаранд» (қисми 2 моддаи 12) амал намоянд.

   iii.          Инчунин шартномаи иҷораи манзилро бо иштироки шаҳрвандони хориҷӣ ё шахсони бешаҳрванде, ки дар қаламрави Ҷумҳурии Тоҷикистон мақоми гуреза ё шахси паноҳҷӯянда доранд, дар Ташкилоти ҷамъиятии «Инсон ва Адолат» тартиб додан мумкин аст.  Ташкилоти ҷамъиятии «Инсон ва Адолат», дар шаҳри Душанбе, кӯчаи Деҳлавӣ, 10 воқеъ мебошад. Телефон барои тамос: (+992) 919315816. Ба шаҳрвандони хориҷӣ ё шахсони бешаҳрванде, ки дар шаҳри Ваҳдат муваққатан истиқомат мекунанд, машварат диҳед, ки ба филиали Ташкилоти ҷамъиятии «Инсон ва Адолат», ки воқеъ дар шаҳри Ваҳдат, кӯчаи 20-солагии Истиқлолият, 35, ошёнаи 2, даромадгоҳ аз тарафи чап мебошад (дар ошёнаи 1-ум Бонки «Ҳумо ҷойгир мебошад»), муроҷиат намоянд. Телефонҳо барои тамос: (+992) 784015555, (+993) 904444486.