Ҳолати 1. – Шаҳрванди хориҷӣ ё шахси бешаҳрванд ба Ҷумҳурии Тоҷикистон бо мақсади гирифтани мақоми гуреза ворид гардид.

1.1. Дар аввал пурсед, ки ӯ кай вориди Ҷумҳурии Тоҷикистон гардид?

       i.          Донистани лаҳзаи воридшавӣ барои машварати минбаъдаи Шумо аҳамияти калон дорад, зеро, тибқи қисми 2 моддаи 5 Қонуни Ҷумҳурии Тоҷикистон «Дар бораи вазъи ҳуқуқии шаҳрвандони хориҷӣ ва шахсони бешаҳрванд» аз 2 январи соли 2018, таҳти № 1471 (Қонуни ҶТ аз 17.05.2018 с., № 1525), шаҳрвандони хориҷӣ ва шахсони бешаҳрванд уҳдадоранд, ки дар муддати 10 рӯзи корӣ аз санаи ба Ҷумҳурии Тоҷикистон ворид шуданашон бо тартиби муқарраргардида аз қайд гузашта, баъд аз ба охир расидани муҳлати истиқоматашон Ҷумҳурии Тоҷикистонро тарк намоянд, агар тибқи қонунгузории Ҷумҳурии Тоҷикистон ва шартномаҳои байналмилалии Тоҷикистон тартиби дигар пешбинӣ нагардида бошад. Қоидаҳои бақайдгирии шиносномаҳои шаҳрвандони хориҷӣ ва намунаи варақаи бақайдгириро Ҳукумати Ҷумҳурии Тоҷикистон тасдиқ менамояд. Аз ин рӯ, қадами навбатии Шумо аз он иборат аст, ки ба мизоҷ гирифтани варақаи бақайдгириро машварат диҳед. Барои гирифтани варақаи бақайдгирӣ ӯ метавонад танҳо ба шуъбаи шиносномадиҳӣ ва бақайдгирии ШВКД-и маҳалҳои аҳолинишини Ҷумҳурии Тоҷикистон, ки дар он ҷойҳо муваққатан зистани шахсони паноҳҷӯянда ва гурезаҳо мумкин аст[2], муроҷиат намояд. Дар аксарияти ҳолатҳо, ин шаҳрҳои Ваҳдат, Ҳисор, ноҳияҳои Рӯдакӣ, Кӯшониён, Ҷаббор Расулов ба ҳисоб мераванд. Аммо дар ноҳияҳои Балхӣ, Файзобод, Шаҳринав, Рашт, Шаҳристон, Айнӣ, Спитамен, шаҳри Истарашан низ онҳо истиқомати муваққатӣ карда метавонанд.

1.2. Баъдан пурсед, ки ӯ виза дорад?

     i.            Донистани доштан ё надоштани виза шаҳодат аз он медиҳад, ки оё шаҳрванди хориҷӣ ё шахси бешаҳрванд ба қаламрави Ҷумҳурии Тоҷикистон қонунӣ ворид шудааст ё ѓайриқонунӣ.

   ii.            Дар сурати ѓайриқонунӣ ворид шудани шаҳрванди хориҷӣ ё шахси бешаҳрванд тибқи қонунгузории амалкунандаи Ҷумҳурии Тоҷикистон чунин шахсон ба ҷавобгарии маъмурӣ ё ҷиноятӣ кашида шуда метавонанд. (Иттилоот оид ба ҷавобгарии ҷиноятӣ ба замимаи 6 оварда шудааст). Оиди ин шаҳрванди хориҷӣ ва шахси бешаҳрванд бояд огоҳ карда шавад! Зиёда аз ин, надоштани виза барои гирифтани мақоми гуреза дар оянда метавонад монеа шавад. Ба чунин мизоҷон машварат диҳед, ки барои ҳимояи ҳуқуқи худ ва пайдо кардани имконияти муроҷиати дахлдор барои гирифтани мақоми гуреза дар қаламрави Ҷумҳурии Тоҷикистон ба Ташкилоти ҷамъиятии «Инсон ва Адолат» барои хизматрасонии ҳуқуқӣ муроҷиат намуда, машварати лозимӣ дар он ҷой гиранд.  Ташкилоти ҷамъиятии «Инсон ва Адолат», дар шаҳри Душанбе, кӯчаи Деҳлавӣ, 10 воқеъ мебошад. Телефон барои тамос: (+992) 919315816. Ба шаҳрвандони хориҷӣ ё шахсони бешаҳрванде, ки дар шаҳри Ваҳдат муваққатан истиқомат мекунанд, машварат диҳед, ки ба филиали Ташкилоти ҷамъиятии «Инсон ва Адолат», ки воқеъ дар шаҳри Ваҳдат, кӯчаи 20-солагии Истиқлолият, 35, ошёнаи 2, даромадгоҳ аз тарафи чап мебошад (дар ошёнаи 1-ум Бонки «Ҳумо ҷойгир мебошад»), муроҷиат намоянд. Телефонҳо барои тамос: (+992) 784015555, (+993) 904444486. 

 iii.            Дар сурати қонунӣ ворид шудани шаҳрванди хориҷӣ ё шахси бешаҳрванд, ба ӯ машварат диҳед, ки тибқи қисми 2 моддаи 5 Қонуни Ҷумҳурии Тоҷикистон «Дар бораи вазъи ҳуқуқии шаҳрвандони хориҷӣ ва шахсони бешаҳрванд» аз 2 январи соли 2018, таҳти № 1471 (Қонуни ҶТ аз 17.05.2018 с., № 1525), шаҳрвандони хориҷӣ ва шахсони бешаҳрванд уҳдадоранд, ки дар муддати 10 рӯзи корӣ аз санаи ба Ҷумҳурии Тоҷикистон ворид шуданашон бо тартиби муқарраргардида аз қайд гузашта, баъд аз ба охир расидани муҳлати истиқоматашон Ҷумҳурии Тоҷикистонро тарк намоянд, агар тибқи қонунгузории Ҷумҳурии Тоҷикистон ва шартномаҳои байналмилалии Тоҷикистон тартиби дигар пешбинӣ нагардида бошад. Қоидаҳои бақайдгирии шиносномаҳои шаҳрвандони хориҷӣ ва намунаи варақаи бақайдгириро Ҳукумати Ҷумҳурии Тоҷикистон тасдиқ менамояд. Аз ин рӯ, чунин шахс ба шуъбаи шиносномадиҳӣ ва бақайдгирии ШВКД-и ҷойи зисти муваққатӣ барои гирифтани варақаи бақайдгирӣ муроҷиат намояд, то ин ки буду боши минбаъдаи худро қонунӣ гардонад.  

 iv.            Ба шаҳрванди хориҷӣ ё шахси бешаҳрванде, ки мақсади гирифтани мақоми гуреза дар қаламрави Ҷумҳурии Тоҷикистон дорад, тибқи Қарори Ҳукумати Ҷумҳурии Тоҷикистон аз 26 июли соли 2000, таҳти №325 «Дар бораи номгӯи маҳалҳои аҳолинишини Ҷумҳурии Тоҷикистон, ки дар он ҷойҳо муваққатан зистани шаҳрвандони паноҳҷӯянда ва гурезагон мумкин нест», машварат диҳед, ки барои гирифтани варақаи бақайдгирӣ ӯ метавонад танҳо ба шуъбаи шиносномадиҳӣ ва бақайдгирии ШВКД-и маҳалҳои аҳолинишини Ҷумҳурии Тоҷикистон, ки дар он ҷойҳо муваққатан зистани шахсони паноҳҷӯянда ва гурезаҳо мумкин аст, муроҷиат намояд. Дар аксарияти ҳолатҳо, ин шаҳрҳои Ваҳдат, Ҳисор, ноҳияҳои Рӯдакӣ, Кӯшониён, Ҷаббор Расулов ба ҳисоб мераванд. Аммо дар ноҳияҳои Балхӣ, Файзобод, Шаҳринав, Рашт, Шаҳристон, Айнӣ, Спитамен, шаҳри Истарашан низ онҳо истиқомати муваққатӣ карда метавонанд.

1.3. Дар охир, пурсед, ки оё варақаи бақайдгирӣ гирифтааст?

       i.          Дар сурати надоштани варақаи бақайдгирӣ, ба шаҳрванди хориҷӣ ё шахси бешаҳрванд машварат диҳед, ки тибқи қисми 2 моддаи 5 Қонуни Ҷумҳурии Тоҷикистон «Дар бораи вазъи ҳуқуқии шаҳрвандони хориҷӣ ва шахсони бешаҳрванд» аз 2 январи соли 2018, таҳти № 1471 (Қонуни ҶТ аз 17.05.2018 с., № 1525), шаҳрвандони хориҷӣ ва шахсони бешаҳрванд уҳдадоранд, ки дар муддати 10 рӯзи корӣ аз санаи ба Ҷумҳурии Тоҷикистон ворид шуданашон бо тартиби муқарраргардида аз қайд гузашта, баъд аз ба охир расидани муҳлати истиқоматашон Ҷумҳурии Тоҷикистонро тарк намоянд, агар тибқи қонунгузории Ҷумҳурии Тоҷикистон ва шартномаҳои байналмилалии Тоҷикистон тартиби дигар пешбинӣ нагардида бошад. Қоидаҳои бақайдгирии шиносномаҳои шаҳрвандони хориҷӣ ва намунаи варақаи бақайдгириро Ҳукумати Ҷумҳурии Тоҷикистон тасдиқ менамояд. Аз ин рӯ, чунин шахс ба шуъбаи шиносномадиҳӣ ва бақайдгирии ШВКД-и ҷойи зисти муваққатӣ барои гирифтани варақаи бақайдгирӣ муроҷиат намояд.

     ii.          Дар сурати доштани варақаи бақайдгирӣ, ба шаҳрванди хориҷӣ ё шахси бешаҳрванд (агар варақаи бақайдгирӣ дар дилхоҳ ШВКД-и шаҳру ноҳияҳои Ҷумҳурии Тоҷикистон, ба истиснои шаҳри Ваҳдат, гирифта бошанд) машварат диҳед, ки ба Ташкилоти ҷамъиятии «Инсон ва Адолат», ки воқеъ дар шаҳри Душанбе, кӯчаи Деҳлавӣ, 10 мебошад, муроҷиат намояд. Телефон барои тамос: (+992) 919315816. Ба шаҳрвандони хориҷӣ ё шахсони бешаҳрванде, ки дар шаҳри Ваҳдат муваққатан истиқомат мекунанд, машварат диҳед, ки ба филиали Ташкилоти ҷамъиятии «Инсон ва Адолат», ки воқеъ дар шаҳри Ваҳдат, кӯчаи 20-солагии Истиқлолият, 35, ошёнаи 2, даромадгоҳ аз тарафи чап мебошад (дар ошёнаи 1-ум Бонки «Ҳумо ҷойгир мебошад»), муроҷиат намоянд. Телефонҳо барои тамос: (+992) 784015555, (+993) 904444486.